ਬੰਦਨਬਾਰ
ਜਗਦੀਸ਼ ਕੌਰ
ਕੁਝ ਖੂਬਸੂਰਤ ਉਮੀਦਾਂ
ਤੇ ਕੁਝ ਚੁਣਿੰਦਾ ਸੁਪਨੇ
ਉਣ ਕੇ ਬੰਦਨਬਾਰ...!
ਟੰਗ ਦਿੰਦੀ ਹਾਂ ਘਰ ਦੇ ਬੂਹੇ 'ਤੇ
ਅਤੇ ਕੱਟਣ ਲਗ ਪੈਂਦੀ ਹਾਂ ਜਣੇਪਾ-
ਲਗਾਤਾਰ.....!
ਵੰਨ-ਸੁਵੰਨੇ ਰੰਗਾਂ ਦੇ
ਉਣਦਿਆਂ ਗੋਲ਼ੇ
ਪੋਲੇ ਜਿਹੇ
ਜੀਰਦੀ ਹਾਂ ਸਮੇਂ ਨੂੰ
ਜਰਦੀ ਹਾਂ ਉੱਸਲਵੱਟਿਆਂ ਨੂੰ
ਤੱਕਦੀ ਹਾਂ ਸੁਪਨਿਆਂ ਨੂੰ
ਜਿਥੇ ਬੰਦਨਬਾਰ 'ਚ ਟੰਗੀਆਂ
ਇਹ ਟੱਲੀਆਂ
ਵੱਜਦੀਆਂ ਨੇ ਲਗਾਤਾਰ.....
ਖੁੱਲ੍ਹਦੇ ਜਾਂਦੇ ਨੇ ਦਸਮ-ਦਵਾਰ...!
ਕੁਝ ਚੁਣਿੰਦਾ ਸੁਪਨੇ
ਉਣ ਕੇ ਬੰਦਨਬਾਰ...
ਕੱਟਦੀ ਹਾਂ ਜਣੇਪਾ ਲਗਾਤਾਰ...!
No comments:
Post a Comment